Attraksjonar

Bøyabreen	Utløpar av Jostedalsbreen. Lågaste punkt 150 m o.h. Isen i brefallet sig nedover fjellsida med ein fart på om lag 2 m per dag. Lett tilkomst med bil/buss, om lag 10 km frå ferjekaien.	Foto:Trond J.Hansen

Bøyaøyri naturreservat	Bøyaøyri er eit elvedelta der det til saman er registrert 100 fugleartar. Viktig kvile- og hekkeområde for trekkfugl. Fuglekikartårn.	Foto:Trond J.Hansen

Den norske bokbyen	Den norske bokbyen har 4 km med bruktbøker til sals. Gamle fjøs og naust er tekne i bruk til bokutsal og gjev eit stemningsfullt særpreg på dei mange bokbutikkane. Nokre av bokutsala er kombinert med kafe, husflidutsal, turistinformasjon og kunstgalleri. Bokbyen ligg i Mundal, vakkert plassert mellom fjorden og breen. Opningstider: 1.mai - 15.juni: 10 - 16 , kvar dag. 15.juni - 15.aug: 10 - 18, kvar dag. 15.aug - 22.sep: 10 - 16, kvar dag. 17.mai er det stengt. Gjennom heile sesongen har Bokbyen interessante boktilstelningar og anna kulturprogram. Bokbyen sel bøker over postordre og nett heile året, og kan ta imot bøker etter avtale. Eiga vevside (Denne lenkja går kanskje ut av vevområdet til fjaerland.org)	Foto:Trond J.Hansen

Fjærland kyrkje	Fjærland kyrkje blei bygd i 1861 (ombygd i 1931). Altartavle frå 1931, måla av Bernt Tunold. Kyrkja er ope mellom kl. 10 og 18 frå juni - august.	Foto:Trond J.Hansen

Fjærlandsfjorden	Fjærlandsfjorden er ein 30 km lang sidearm av Sognefjorden. Turen med båt frå Balestrand blir rekna som ein av dei vakraste i Noreg. Sjå meir om dagstur på Fjærlandsfjorden på lenkja nedanfor. Informasjon finst óg under aktivitetar eller transport på vår heimeside. Eiga vevside (Denne lenkja går kanskje ut av vevområdet til fjaerland.org)	Foto:Trond J.Hansen

Flatbreen	Del av Jostedalsbreen, om lag 1000 m o.h. Like ved ligg Flatbrehytta, ei ubetjent hytte med 18 overnattingsplasser. Det går tursti frå Supphelledalen (ved Øygarden) opp til Flatbreen. Tlf. +47 91 57 01 01.	Foto:Gaute D.Bøyum

Hotel Mundal	Det ærverdige trehotellet, Hotel Mundal i sveitsarstil, blei bygd i 1891 og er eit av dei få attverande trehotella i landet. Hotellet er ope juni,juli og august. Eiga vevside (Denne lenkja går kanskje ut av vevområdet til fjaerland.org)	Hotel Mundal

Jostedalsbreen nasjonalpark	Jostedalsbreen nasjonalpark har ei stor spennvidde i naturtypar frå frodig edellauvskog i låglandet til isbrear og høgfjell. Jostedalsbreen er den største breen på det europeiske fastland og er vel 80 km lang. Nasjonalparken blei oppretta i 1991 og om lag halvparten er bredekt.

K.A. Straumsvågs Antikvariat	Kjell Arve Straumsvågs antikvariat med 25.000 bøker til sals i dei fleste kategoriar. Har bøker på mange språk, antikvariske og brukte, eldre som nye. Har ei stor barnebokavdeling, reiselitteratur, krigshistorie og andre historiske emneområde,kunst og kultursoge, alle typar skjønnlitteratur med meir. Sel også bøker per postordre. Straumsvågs antikvariat er ein sjølvstendig bokbutikk, som ligg i Den norske bokbyen i Mundal, Fjærland. Eiga vevside (Denne lenkja går kanskje ut av vevområdet til fjaerland.org)	Foto:Trond J.Hansen

Kunst	Kunstgalleriet i Mundal ligg på Bok og Bilde, og er i same bygninga som turistinformasjonen. Ta ein tur innom og se Rutlesamlingi, treskjæring frå Fjærland,med motiv frå bygdeliv og kultur. Ny gjesteutstilling kvart år. I 2013: biletkunstnar Idun Slevikmoen. Lokalprodusert keramikk er til sals på turistinformasjonen, saman mykje handarbeid frå Fjærland.

Norsk Bremuseum	Eit interaktivt museum for heile familien som gir deg kunnskap om is, snø, landskap og klima på ein ny og spennande måte. Gjer dine eigne eksperiment med 1000 år gamal is frå Jostedalsbreen. Panoramafilm laga av Ivo Caprino og ny opplevingsutstilling frå 2007 om klimaendringar. Museet er teikna av Sverre Fehn og blei opna av H.M. Dronning Sonja i 1991. Opningstider: April,mai,sep,okt: 10-16, kvar dag Jun,jul,aug: 9-19, kvar dag Eiga vevside (Denne lenkja går kanskje ut av vevområdet til fjaerland.org)	Foto:Per Backe-Hansen

Supphellebreen	Den lågastliggjande breen i Sør-Noreg, berre 60 m o.h. Breen blir halde i live av isras frå Brefallet til Flatbreen, 800 m høgare oppe i fjellsida. Kvart år rasar det ned om lag 2 mill. tonn is. Lett tilkomst med bil/buss, omlag 10 km frå ferjekaien.	Foto:Trond J.Hansen

Opp igjen